donderdag, maart 28, 2024

MEDE MOGELIJK GEMAAKT DOOR

HomeColumnsKamper Column 'TUSS’NDEURTIEN' - WIE EF’T EDOAN?

Kamper Column ‘TUSS’NDEURTIEN’ – WIE EF’T EDOAN?

-

WIE EF’T EDOAN?

tussendeurtienAj det gezichte mun zien. Ei kek mien an, lut mien zien lege burd zien en vrug: ‘woarumme, woarumme eb ie mien ele burd leeg egeetn?’
Ik zit in et andere kamertien met mien eign burd en bin an de tillefoon met mien dochter uut Buutenland. De tillevisie stiet knoert árt an, en dan eur ie niks. Dus ik steke sjofiaal d’and op zo van; ‘allo jongien ik kome d’r zo an eur, aju paraplu.’

Ik eb mien best weer ies adoan en de beunties deur de gruune mooln van mien mo esjeest (ze mos ies weetn!) lekkere eerappelties d’r bi’j en een flinke gakballe van de boomste planke, al ze’k et zelf. Lekker zjuugien.

Op de moandag em wi’j et untien van de buurn te lozjeern. Een lief besien eur, Fikkie stiet mooi oog op de peuties. De name maar eem veranderd, ie weetn maar nooit!
Ons untien is ‘soams ’t gehijster al lange zat en ef “tied uut” in zien mand in de gerazie, veurdet ie mien weer een gat in de gedienn klautert. Fikkien stuitert nog lekker in ‘t rond totdat zien boas em of kump aaln. De belle giet, maar ja, ik zit in ’t kamertien te luustren en denke: ‘zuuk et maar mooi uut, kump wel goed.’ Fikkien weg, en Theo terug noar de plek woar as ie zien driekwart volle burd ad neer’ezet. Mes en vurk leg nog netties noast et lege burd op zien plek-máttien.
Now kuj metene zien eh, det ik snel in de verdenking kome. Ik eb best wel ies wat uut evreetn eur, maar een ander zien burd leeg eetn, a’k zelf een burd vol ebbe, nee. En zekers niet a’k an de tillefoon bin, dan eur of zie ik niks meer.

In de tied det ie noar de belle giet, slut Fikkie de dag mooi ov, met een burd vol Ollandse pot, de gakballe eerst, snel de rest d’r achteran. De grote boas is nog niet zo snel weer in de kamer, of Fik ef em nog eem onoppemarkt ulpm, en zien burd netties brandskoon ov elikt. Goede bekomst.
Een peusien doarnoa zit onze lam esloagn boas met een zoer gezichte onderuut op de bank. Met een gakballe op een plakke brood zit ie te zeurn, det ie een maaltied-bon van Fikkie zien boas mut em. Ik lig dubbelt en zeg: ‘jongien, ie kunn altied nog noar de Vijverof eur‘.
Road ies wat, ……wie stiet er Dinzedag bi’j mien buutn, boomm op de vensterbanke van Otel Gakballe noar binn te loern? Jawel, Fikkie! Muj noa goan.

Now allo eh.

TUSS’NDEURTIEN

Gerelateerde berichten

LEAVE A REPLY

Please enter your comment!
Please enter your name here

Stay Connected

0FansLike
0FollowersFollow
0FollowersFollow
0SubscribersSubscribe

Net binnen