Belofte maakt schuld.
Het mag algemeen bekend zijn dat de medewerkers van Kampenonline het Kamper dialect een warm hart toedragen. Daardoor geïnspireerd heeft de Kamper fractie van de PVDA plechtig beloofd de speerpunten uit het verkiezingsprogramma van de partij ook in het Kampers bekend te maken.
’t Motto veur de verkiezingstied is : VEUR MEKANDER !!!
Speerpunten uut ’t verkiezingprogramma van de Peti’j van de Arbeid
Umme maar gelieke met de deure in uus te vallen, veur de ni’je raodsperiode tweeduzendveertiene-tweeduzendachtiene doen wi’j oe gien beloftes.
’t Land kan dan wel niet meer in de recessie wezen, maar det wil nog niet zègen dat de geldzorgen van de gemeente op-elöst bin’n. Grote investeringen en dure en weerdevolle ni’je plännegies staon dan ook niet op ons verlangliesien.
Onze andacht lèg veural bi’j de ni’je taken wöör de gemeente veur kump te staon. De jeugdzörg, de AWBZ (de Algemene Wet Biezundere Ziektekosten) en de (muuilijk woord) : Participatiewet. Die goan we zo toepassen dat diegene die ’t angiet leidend, met een kötte ei en niet liedend met een lange ij is en ook niet klem kump in de regelties en cieferties.
Veur de komende periode vinnen we toerisme belangrieker dan industrie. Wi’j zien meer kansen veur wärkgeleeg’n-eid en inkomen deur ons in te zetten veur toerisme en cultuur. De industrie kump bi’j ons op een tweede plase. Wat te denken over dure investeringen in een tweede, geld en ruumte verslindende , Zuuderzee-aam.
Op toeristisch gebied valt, volgens ons, nog veule te winnen, bi’jveurbeeld deur ’t tentoonstellen van de middeleeuwse Kogge op de Koggewȁrf en dan wel in een istorisch, maritieme umgevink. De organisatie van de Internationale Hanzedagen in tweeduzendzeuventien is wat ons betreft een prachtige geleegn-eid umme Kampen op de kaarte te zetten.
Onze kwetsbare, gevulige , istorische binnenstad willen wi’j now echt wel ies autoluw maken!! Gevöörlijke toestanden met zwöör landbouwverkeer in
’t centrum mut now echt ies een keer op-ôllen, umme ärger te veurkomen.
As de Iesselkante en de stadsbrugge döörveur eenrichtingverkeer mutten wödden , vinnen wi’j det best. Pekeren, van onze auto’s, fietsen, doen we gratis, veur niks, of anders goedkoop an de rand van de binnenstad, ook an de Iesselmuudenerkante.
Det waren maar köt de speerpunten, wi’j meer: lees dan ons uutgebreide verkiezingsprogramma op de website. (www.kampen.pvda.nl )
Ook ku’j ons vinnen op GEZICHTENBUKIEN (Facebook) en/of Tweet-Tweet (Twitter) en/of apestȁttien PvdAKampen
Vergeet niet dat we ’t Veur Mekare doen !!!!!
